“Wythnos Undeb Aber yn Dathlu” yw’r wythnos hon - y cyfle GORAU un i ddathlu popeth sy’n ymwneud â myfyrwyr Aber a byddwn yn dathlu’r rhain fesul Addewid Undeb Aberystwyth.
(heb glywed am addewidion Undeb Aberystwyth i fyfyrwyr - cymerwch olwg yma).
Gwyddem ni’n iawn bod i fywyd ei uchafbwyntiau a’i isafbwyntiau ac rydyn ni am fod yno i chi doed a delo.
Heddiw byddwn ni’n edrych yn ôl dros rai ffyrdd rydyn ni wedi “cefnogi myfyrwyr i fod yn hapus ac yn iach” y flwyddyn academaidd hon:
- Mae ein gwasanaeth cynghori wedi cefnogi’n uniongyrchol dros 300 achos myfyriwr hyd yma yn y flwyddyn academaidd hon.
- Mynychodd 156 myfyriwr ein digwyddiad Cariad Pet Therapy fis Ionawr i gael mwytho cŵn yn rhan o’n gweithgareddau lleddfu straen. Dyma ddiolch i’r gwirfoddolwyr anhygoel o’r myfyrwyr wnaeth hyn yn bosib ac a wnaeth sicrhau yr aeth popeth yn rhwydd ar y diwrnod. Daw ein hoff gyfeillion y cŵn yn ôl fis Mai i leddfu straen yr arholiadau.
- Bydd ein gwasanaeth cynghori yn darparu 250+ brecwast am ddim ar gyfer myfyrwyr, yn ogystal â 100 tocyn rholyn selsig am ddim, gyda ffrwyth ar gael am ddim yn yr Undeb.
- Rydyn ni wedi datblygu ein Gorsaf Les i fod yn fwy gweladwy ac i ddal mwy o gynhyrchion gan gynnwys gwahanol fathau ar gondomau, citiau profi am heintiau a drosglwyddir yn rhywiol a phrofion beichiogrwydd.
- Mae’r Undeb wedi bod yn gweithio gyda sefydliad lleol, Project LUNA, ar gynllun lleoliadau saffach i sicrhau fod llefydd yn y dref yn cefnogi hawliau traws ac arferion cynhwysol, gan ei gwneud yn lle saff i bawb. Mae mwy na 6 lleoliad eisoes wedi cael yr hyfforddiant gydag eraill wedi cofrestru.
- Mae ein gwasanaeth cynghori wedi dosbarthu 11,000 o gondomau hyd yma eleni a 3,000 o gydau liwb. Rydyn ni hefyd wedi darparu 528 prawf beichiogrwydd, a 250 cit profi am heintiau a drosglwyddir yn rhywiol. Cyflwynwyd llenni geneuol (oral dams) a dosbarthwyd 71 gennym erbyn hyn.
- Mae ein tîm swyddogion wedi dosbarthu 200 bag lleddfu straen arholiadau gydag amryw o bethau braf i gefnogi ein myfyrwyr yn ystod adeg yr arholiadau.
- Mae ein gwasanaeth cynghori wedi darparu dros 300 o brydau am ddim ar gyfer myfyrwyr yn rhan o wythnos arian myfyrwyr, gan gynnwys brecwast, ffrwythau ffres, a sesiwn gwneud cawl cennin a thato ar y cyd a rholiau selsig am ddim. Yn ogystal â chynnig ffrwyth am ddim yn yr Undeb.
- Rydyn ni wedi darparu ystod eang o eitemau hanfodol am ddim ar gyfer yr wythnos arian myfyrwyr gan gefnogi 193 myfyriwr eleni.
- Rydyn ni wedi cynghori, wedi cefnogi ac wedi darparu 288 nwydd misglwyf ailddefnyddiadwy hyd yma eleni.
- Buodd ein Tîm-A yn cefnogi sawl agwedd ar adeg y croeso, yn rhoi croeso cynnes i fyfyrwyr newydd a’u teuluoedd a ffrindiau, ac yn cefnogi trwy gydol y nos ochr yn ochr ag Ambiwlans St John a Gwasanaeth Cyffuriau ac Alcohol Dyfed. Rhwng popeth, fe roddasant bron 840 awr gwirfoddoli yn ystod cyfnod y croeso.
- Mae ein tîm o Swyddogion a Staff wedi bod yn brysur yn hyrwyddo hawliau myfyrwyr drwy gydlynu a chefnogi ystod o ymgyrchoedd a phrosiectau llesiant eleni, gan gynnwys ein hymgyrch Y Tu Hwnt i’r Deuaidd a phrosiect cyffuriau ac alcohol New Narratives.