Wythnos Undeb Aber yn Dathlu 2026

Mae Undeb Aber eisiau i fyfyrwyr garu bywyd myfyrwyr...

Mae “Undeb Aber yn Dathlu” yn gyfle i ni ddathlu a dweud diolch yn fawr i’r holl staff rhagorol a myfyrwyr anhygoel sy’n gwneud Undeb Aber yn lle gwych.

Beth sydd ymlaen yr wythnos hon?

Rydyn ni’n addo, trwy gydol yr wythnos hon, y byddwn ni’n rhannu pob stori, llwyddiant ac effaith gennych chi, ein myfyrwyr Aber, yn sgil popeth y buoch chi’n rhan ohono yn ystod y flwyddyn academaidd 2025-2026; rydyn ni am ddathlu’r rhain fesul addewidion Undeb Aber.

Dechreuodd yr wythnos dathlu gyda penwythnos rygbi Aber7s – penwythnos o gystadlaethau rygbi, cymdeithasu ac yn ffodus iawn ychydig o heulwen (cymrwch gipolwg ar ein tudalen Facebook am lluniau’r penwythnos).

Am y tro cyntaf erioed, caiff Seremonïau Gwobrau Undeb Aber yn Dathlu eu cynnal ar yr un noson ar ddydd Iau Mai 7fed yn Undeb y Myfyrwyr;

• Bydd y Gwobrau Undeb Aber yn Dathlu: Addysgu, Dysgu a’r Profiad Myfyriwr yn dechrau am 5:30yh.
• Bydd y Gwobrau Undeb Aber yn Dathlu: Clybiau a Chymdeithasau yn dechrau am 7:30yh.
• I ddod â’r noson i ben, ymunwch â ni am karaoci yn y Cwtsh ar ôl y Wobr Clybiau a Chymdeithasau

*diolch i bawb sydd wedi enwebu eraill am y gwobrau uchod ac os na allwch chi ymuno â ni ar gyfer y gwobrau, cadwch olwg am ein cyfryngau cymdeithasol i weld cyhoeddiadau gwobrau yn ystod y digwyddiadau.