Beth yw eich prif awgrymiadau ar gyfer ymdopi â straen arholiadau?
Ffion
Cofiwch gymryd amser i chi’ch hunan. Boed yn cymdeithasu gyda ffrindiau, mynd am dro ar hyd lan y môr, neu gymryd hoe, mae clirio eich pen yn bwysig iawn yn ystod cyfnod yr arholiadau.
Tanaka
Cymerwch hoeau a cheisiwch ddarganfod pa fath o ddysgwr ydych chi ee gweledol ac ati.
Ewch i lan y môr a gwnewch bethau sy’n pethau i chi ddod atoch chi’ch hunan.
Nanw
Cofio gadael digon o amser ar gyfer gweithgareddau eraill – does dim angen gwario pob munud o’r dydd yn adolygu.
Espe
Ewch am dro a cheisiwch dreulio amser gyda’ch ffrindiau. Rydyn ni i gyd yn profi straen yn ystod arholiadau ac mae bob tro yn dda cael sgwrsio gyda rhywun. Beth am estyn gwahoddiad i’ch ffrindiau astudio ac adolygu gyda’ch gilydd, waeth a ydych chi’n astudio’r un radd.
Millie
Cymerwch yr amser i astudio’n iawn a pheidiwch â’i gadael hi tan y noson cyn arholiad. Gwnewch yn siŵr eich bod yn cymryd hoe i wneud yr hyn rydych chi’n ei fwynhau. Cadwch snacsys gerllaw!