Rydym yn gymuned o fyfyrwyr Cristnogol Cymraeg yn Aberystwyth sy'n caru lesu ac eisiau rhannu am ei gariad ef yn Gymraeg!
Beth yw newyddion da Iesu?!
Ydy, mae Duw wedi caru’r byd cymaint nes iddo roi ei unig Fab, er mwyn i bwy bynnag sy’n credu ynddo beidio mynd i ddistryw ond cael bywyd tragwyddol. Oherwydd anfonodd Duw ei Fab i achub y byd, dim i gondemnio’r byd. Ioan 3:16-17
Mae pawb wedi gwneud pethau drwg - mae’n rhan o fywyd dynol. Ond mae Duw yn farnwr perffaith a byddai'n anheg iddo ganiatáu i'r pethau hyn fynd heb gael eu cosbi. Ella ein bod wedi gwneud pethau da yn ein bywydau hefyd, ond ni all hynny drwsio'r troseddau ‘da ni wedi'u gwneud - ni all barnwr adael i droseddwr fynd, dim ond oherwydd eu bod wedi rhoi i elusen neu wedi helpu'r digartref.
Ond mae newyddion da - fe wnaeth Iesu Grist fyw bywyd perffaith yn ein lle ni. Gan farw ar y groes, cymerodd y gosb rydyn ni yn ei haeddu fel ein bod ni’n gallu cael ein maddau a chael bywyd tragwyddol gyda Duw.
Dydy hyn ddim yn rhywbeth rydyn ni’n gallu ennill neu gael ein hunain, ond mae Duw yn cynnig y bywyd yma yn rhad ac am ddim i bawb.
Y ffyrdd gorau o gael gwybod beth sydd gennym ni ar y gweill:
Instagram: www.instagram.com/uccaber
Facebook: www.facebook.com/share/1DNpkss4hv/
Link Tree: linktr.ee/uccaber
Yr Undeb Gristnogol Saesneg:
Instagram: www.instagram.com/aberystwythcu/
Facebook: www.facebook.com/aberystwythcu
Link Tree: linktr.ee/AberystwythCU
Digwyddiadau
Rydym yn cynnal amrywiaeth o ddigwyddiadau, sydd ar gyfer pawb sy’n siarad Cymraeg yn rhugl neu dysgu Cymraeg. Os ydych chi yn Gristion neu mond eisiau dysgu mwy am beth mae Cristnogion yn credu, does dim ots - bydd croeso i bawb!
Dyma rai o'r digwyddiadau y byddwn yn eu cynnal eleni…
Pob Wythnos:
Cyfarfodydd Darllen y Beibl
Bob Dydd TBC | I fyny yng nghaffi Canolfan y Celfyddydau | Amser TBC
Rydyn ni am ddod at ein gilydd bob wythnos i agor y Beibl a trafod Gair Duw. Bydd un o’n myfyrwyr yn arwain, neu’n achlysurol, aelodau ac arweinwyr o eglwysi lleol. Fel arfer, rydyn ni’n darllen trwy lyfr penodol yn y Beibl ac yn trafod pob adran ar y tro.
Pob Mis:
Te a Thost
Unwaith y mis, pan fydd SŴN UMCA | Picture House yr Undeb | 9:00yh - 12:00yh
Mae’r nosweithiau Te a Thost yn rai o uchafbwynt aelodau UCCA! Byddwn yn rhoi tost a diodydd am ddim i fyfyrwyr ac rhannu am y gobaith sydd gennym ni yn Iesu. Fel arfer, mae gennym ni gwestiwn ar bwnc llosg ar fwrdd gwyn i ni gael sgyrsiau diddorol. Os oes diwgyddiad SŴN yn cael ei gynnal yn adeilad yr Undeb Myfyrwyr, byddwn ni yno! Dewch draw i dweud helo neu os ydych chi’n chwilio am rywle tawel i sgwrsio. Byddwn ni hefyd yn gwneud Te a Tost yn y Ddawns Ryng-golegol a’r Steddfod Ryng-golegol, felly edrychwch ar ein cyfrifon cymdeithasol i weld lle gallwch chi gael tost am ddim!
Cyfarfod gweddi ac addoliad
Dydd Gwener cyntaf y mis | Alfred Place | 7:30yb
Byddwn ni yn cael amser o addoli gyda’n gilydd, gan ddiolch i Dduw am y mis sydd wedi bod, a gweddio dros y mis o’n blaen. Bydd yn agored i unrhyw un o’r capeli lleol hefyd.
Social UCCA i ddysgwyr
Dydd TBC cyntaf y mis | Cyfarfod ym Mhantycelyn | 7:00yh
Byddwn yn cyfarfod yn Mhantycelyn ond yn mynd i rywle gwahanol bob mis, fel i Dŷ Seidr i chwarae gemau, i’r traeth i gael tân ar goelcerth, mynd am dro a cherdded gyda’n gilydd neu i sesiwn cerddoriaeth gwerin yn nhafarn y Ship and Castle. Edrychwch ar ein socials i cael mwy o wybodaeth yn agosach at y dyddiad!
Gofod astudio
Dydd TBC cyntaf y mis | yng nghaffi Canolfan y Celfyddydau | Amser TBC
Bydd gofod astudio yn lle y cyfarfod beibl unwaith yr wythnos, a bydd cyfle inni weithio ar ein gwaith prifysgol, cymdeithasu a helpu ein gilydd.
Digwyddiadau Achlysurol
Gwasanaeth Diolchgarwch
Dydd Llun, 13eg o Hydref | Eglwys Santes Fair | Amser TBC
Byddwn yn cael gwasanaeth ac amser i addoli a chanu. Byddwn yn casglu ar gyfer bank bwyd hefyd.
Cynger Dolig UMCA
Dydd TBC | Lleoliad TBC | Amsert TBC
Byddwn yn ymuno gyda aelodau UMCA yn eu cyngerdd Nadolig nhw.
Y Ddawns Ryng-golegol
Tachwedd 21ain-23ain | Aberystwyth
Byddwn yn cynnig te a thost i bawb ac yn dechrau sgyrsiau diddorol gyda’r bobl yna. Dewch i ofyn cwestiynau am Gristnogaeth neu i gael eich darn o dost!
Eisteddfod rhyngwladol
Dyddiad TBC | Caerdydd
Byddwn yn cynnig dŵr am ddim i bobl yn y dydd ac yn rhoi te a thost i’r myfyrwyr yn y nos, ac unrhyw beth arall sydd ei angen i bobl gadw yn gynnes ac yn saff!